ንሕልምኻ ንበር ብ የማነ ኣብርሃ 3ይ ሕታም

መብዛሕትኦም ኣብ ዓለም ዝነበሩ ሰባት ትኽክለኛ ወርቅነቶም /ፍሉይ ተውህቦኦም/ ብዝግባእ ኣይፈልጡዎን እዮም። ካብ’ዚ ዝተለዓለ እውን ከይተጠቀሙሉ ክነብሩ ይግደዱ። ደቂ ሰባት ኩልና ነናትና ተውህቦ ኣሎና።ተውህቦ ማለት ሓደ ሰብ ብቐሊል ጻዕር፣ ብውሕሉል ኣገባብ፣ ኣብ ሓጺር ግዜ ንሓደ ዕዮ ዝፍጽመሉ ፍሉይ ተፈጥሮኣዊ ብቕዓት ወይ ክእለት ማለት እዩ። ተውህቦኡ ብዝግባእ ዝፈልጥን ኣብ ጥቕሚ ዘውዕልን ሰብ ኣብ ግብሪ ዘየውዕሎ ውጥን የለን። ዕዉታት ሰባት ሕልሞም ኣብ ሸቶኡ ንምብጻሕ ዝግልገሉሉ ብሉጽ መሳርሒ ድማ ተፈጥሮኣዊ ተውህቦኦም ምጥቃም እዩ። መብዛሕትና ግና እዚ ፍሉይ ወርቅና /ተውህቦና/ ብዝግባእ ስለ ዘይንፈልጦ፣ ትሕቲ ዓቕምና ክንነብር ኢና እንርአ። ካብ መጽሓፍ ንሕልምኻ ንበር ዝተወስደ