ሚልዮነር ጎሬቤትና

ንውህሉል ፍልጠትካ ተጠቒምካ ዝበለጸ ወፍሪ ምግባር፡ ግድን ንኣጫራቲ ጥራይ ዝተሓዝአ ኣይኮነን። ኣብ ዝኾነ ዓውዲ ዝተዋፈረ ሰብ ክገብሮ ዝኽእል እዩ። ሓደ ካብ መሻርኽትና ቕድሚ ሕጂ ሓላፊ ስትራተጅያዊ ውጥን ሓደ ዓቢ ኮርፖረይሽን እዩ ነይሩ። ሓደ ኽፋል ስርሑ ኣብ በበይኖም ዓውድታት ንግዲ ንዝህልዉ ዝተፈላለዩ ምዕባለታት ወይ ለውጥታት ምጽናዕ እዩ ነይሩ። ቅድሚ ገለ ዓመታት፡ ብደረጃ ወፍሪ ጠለብ ዘለዎ ካርድታት ሻኲ፡ ሓደ መዓልቲ ልዕሊ ዓቐን ክንህር ከም ዝኽእል ተገንዚቡ። እዚ ድማ እቲ ዕዳጋ ነዚ ዝንባለ ገና ኣንፈት ቅድሚ ምሃቡ እዩ። ብቓላቱ ዕዳጋ “ደቂሱ” ኣብ ዝነበረሉ እዋን ብዙሕ ወፍሪ ገይሩ። ከምኡ’ውን ንዝነበሮ ዅሉ ውልቃዊ ንብረት ናይ ሚኪ ማንትል ሮኪ ካርድታቱ (ሻኲ) ሓዊሱ ብልዑል ደረጃ ዕዳጋ ሸይጥዎ። ካልእ ዝፈልጦ ሰብ፡ ኣካያዲ ስራሕ ናይ ሓደ ድኳን፡ ድኳኑ ብኸመይ ዝያዳ ኣፍራዪ ከም ዝገብሮ ንምፍላጥ፡ ወትሩ መጽሄታት ንግዲ የጽንዕ ነበረ። ድሒሩ ነቲ ናይ ምንባብ ልምዱ ተጠቒሙ፡ ኣብቲ ዕብየት ዝርከብ ብርክታት ሽርሽራ ወፍሪ ገይሩ። ‘ሚልዮነር ጐረቤትና’ – ቶማስ ጀይ ስታንሊ፡ ዊልያም ዲ ዳንኮ (ትርጕም፤ ነቢይ ሓይለኣብ) *************************************** ኣብ መንኲብ ዓርሞሽሻት ተሰቒልና ኣርሒቕና ኸነማዕዱ ኸም ዘሎና ኢና ንኣምን። ኣብ መንኲብ ዓርሞሽሻት እንስቅለሉ መገዲ ኸኣ መጻሕፍቲ ብምንባብ እዩ። #ሚልዮነርጐረቤትና